ಮಧ್ವ ಮತದ ಸಿದ್ಧಾಂತ ಪದ್ಧತಿ /Madhwa matada sidhanta

ಮಧ್ವಮತದ ಸಿದ್ಧಾಂತದ ಪದ್ಧತಿ ಬಿಡಬ್ಯಾಡಿ
ಬಿಡಬ್ಯಾಡಿ , ಬಿಟ್ಟು ಕೆಡಬ್ಯಾಡಿ

ಹರಿಸರ್ವೋತ್ತಮಹುದೇಂಬೋ ಜ್ಞಾನವ
ತಾರತಮ್ಯದಿಂದ ತಿಳಿಸೋ ಮಾರ್ಗವ

ಘೋರ ಯಮನ ಭಯ ದೂರ ಓಡಿಸಿ
ಮುರಾರಿಯ ಚರಣವ ತೋರೋ ಮಾರ್ಗವ

ಭಾರತೀಶ ಮುಖ್ಯ ಪ್ರಾಣಂತಗ೯ತ
ನಿರಜಾಕ್ಷ ನಮ್ಮ ಪುರಂದರ ವಿಠಲನ

ದೇವ ಬಂದಾ ನಮ್ಮ ಸ್ವಾಮಿ ಬಂದಾನೋ /Deva Banda Namma swamy Bandano

ದೇವ ಬಂದಾ ನಮ್ಮ ಸ್ವಾಮಿ ಬಂದಾನೋ
ದೇವರ ದೇವ ಶಿಖಾಮಣಿ ಬಂದಾನೋ IIಅಪII

ಉರಗಶಯನ ಬಂದ ಗರುಡ ಗಮನು ಬಂದ
ನರಗೊಲಿದವ ಬಂದ ನಾರಾಯಣ ಬಂದ II1 II

ಮಂಧರೋದ್ಧರ ಬಂದ ಮಾ ಮನೋಹರ ಬಂದ
ವೃಂದಾವನ ಪತಿ ಗೋವಿಂದ ಬಂದಾನೋ II2II

ನಕ್ರ ಹರನು ಬಂದ ಚಕ್ರಧರನು ಬಂದ
ಅಕ್ರರ ಗೊಲಿದ ತ್ರಿವಿಕ್ರಮ ಬಂದನೋ II3 II

ಪಕ್ಷಿವಾಹನ ಬಂದ ಲಕ್ಷ್ಮಣಗ್ರಜ ಬಂದ
ಅಕ್ಷಯಫಲದ ಶ್ರೀಲಕ್ಷ್ಮೀ ರಮಣ ಬಂದನೋII 4II

ನಿಗಮಗೋಚರ ಬಂದ ನಿತ್ಯ ತೃಪ್ತನು ಬಂದ
ನಗೆಮುಖ ಪುರಂದರ ವಿಠ್ಠಲ ಬಂದನೋ II5 II




Audio Link:http://www.kannadaaudio.com/Songs/Devotional/Enna-Paaliso-Karunakara-Pt-Bhimsen-Joshi/Deva-Bandha-Namma.ram

Venkatachala Nilayam /ವೆಂಕಟಾಚಲ ನಿಲಯಂ

ವೆಂಕಟಾಚಲ ನಿಲಯಂ ವೈಕುಂಠ ಪುರ ವಾಸಂ

ಪಂಕಜ ನೇತ್ರಂ ಪರಮ ಪವಿತ್ರಂ
ಶಂಖ ಚಕ್ರಧರ ಚಿನ್ಮಯ ರೂಪಂ

ಅಂಬುಜೋದ್ಭವ ವಿನುತಂ ಅಗಣಿತ ಗುಣ ನಾಮಾಂ
ತುಂಬುರು ನಾರದ ಗಾನವಿಲೋಲಂ

ಮಕರ ಕುಂಡಲಧಾರ ಮದನ ಗೋಪಾಲಂ
ಭಕ್ತ ಪೋಷಕ ಶ್ರೀ ಪುರಂದರ ವಿಠಲಂ



Audio link:http://www.kannadaaudio.com/Songs/Classical/MLV-1/VenkatachalaNilayam.ram

satyavantara sagaveralu /ಸತ್ಯವಂತರ ಸಂಗವಿರಲು

ಸತ್ಯವಂತರ ಸಂಗವಿರಲು ತೀರ್ಥವೇತಕೆ
ನಿತ್ಯ ಜ್ಞಾನಿಯಾದ ಮೇಲೆ ಚಿಂತೆ ಯಾತಕೆ IIಪII

ತಾನು ಉಣ್ಣದ ಪರರಿಗಿಕ್ಕದ ಧನವಿದ್ದೇತಕೆ
ಮಾನ ಹೀನನಾಗಿ ಬಾಳ್ವ ಮನುಜನೇತಕೆ
ಜ್ಞಾನವಿಲ್ಲದೇ ನೂರು ಕಾಲ ಬದುಕಲೇತಕೆ
ಮಾನಿನಿಯ ತೊರೆದವಗೆ ಭೋಗವೇತಕೆ II೧II

ಮಾತು ಕೇಳದೆ ಮಲತು ನಡೆವ ಮಕ್ಕಳೇತಕೆ
ಪ್ರೀತಿ ಇಲ್ಲದೆ ಎಡೆಯನಿಕ್ಕಿದ ಅನ್ನವೇತಕೆ
ನೀತಿಯರಿತು ನಡೆಯದಿರುವ ಬಂಟನೇತಕೆ
ಸೋತು ಹೆಣ್ಣಿಗೆ ಹೆದರಿ ನಡೆವ ಪುರುಶನೇತಕೆ II೨ II

ಸಂಜ್ಞೆಯರಿತು ನಡೆಯದಿರುವ ಸತಿ ಇದ್ದೇತಕೆ
ಮುನ್ನ ಕೊಟ್ಟು ಪಡೆಯದನ್ನು ಬಯಸಲೇತಕೆ
ಮನ್ನಣೆಯ ನಡೆಸದಿರುವ ದೊರೆಯು ಏತಕೆ
ಚೆನ್ನ ಆದಿ ಕೇಶವನಲ್ಲದ ದೈವವೇತಕೆ II3 II

Audio Link:http://www.musicindiaonline.com/p/x/HsK9CKz2SS.As1NMvHdW/

Bandano Raghavendra / ಬಂದಾನೋ ರಾಘವೇಂದ್ರ

ಬಂದಾನೋ ರಾಘವೇಂದ್ರ ಇoದಿಲ್ಲಿಗೆ
ಕಂದನ ಮೂರೆ ಕೇಳಿ ಜನನಿಯು ಬರುವಂತೆ

ಗಜವೇರಿ ಬಂದ ಜಗದಿತಾನಿಂದ
ಅಜಪಿತರಾಮನ ಪಾದಬ್ಜ ಸ್ಮರಿಸುತಲಿ

ಹರಿಯ ಕುಣಿಸುತ ಬಂದಾ ನರಹರಿ ಪ್ರಿಯ ಬಂದ
ಶರಣಾಗತರನು ಕರವ ಪಿಡಿವೆನೆಂದು

ಪ್ರಹ್ಲಾದ ವ್ಯಾಸ ಮುನಿದ್ರ ರಾಘವೇಂದ್ರ
ನಿಲ್ಲಿಸುತ ಮನವ ಮಧ್ವೇಶ ವಿಠಲನ

ಆರತಿ ಬೆಳಗಿರೆ ನಾರಿಯರೆಲ್ಲರು / aarati Belagire nariyarellaru

ಆರತಿ ಬೆಳಗಿರೆ ನಾರಿಯರು ಬೇಗ ಆದಿ ಕೊಲ್ಹಾಪುರದ ಮಹಾಲಕ್ಷ್ಮಿ ಗೆ
ಹಾಡುತ ಪಾಡುತ ಜಾಣೆ ಯರೆಲ್ಲರು ಆದಿ ನಾರಾಯಣ ಪ್ರಿಯಳಿಗೆ
ಪಿಲ್ಲೆ ಕಾಲುಂಗುರ ಲುಲ್ಲು ಪೈಜಣರುಳಿ ಗಿಲ್ಲು ಗಿಲ್ಲೆಂದು ಹೆಜ್ಜೆಯನಿಡುತ
ಉಲ್ಲಾಸದಿಂದಲಿ ಗೋಡ್ಯಾನವ ಪುಲ್ಲನಾಭನ ಪ್ರಿಯಳಿಗೆ

ಜರದ ಪೀತಾಂಬರ ನಿರಿಗೆಗಳಲೆಯುತ ಝಗಝಗಿಸುತ ತ ಹೊಳೆಯುತಲಿ
ತೊಟ್ಟ ಕಂಚುಕವು ಇಟ್ಟ ವಂಕಿ ತೋಡೆ ಬೆಟ್ಟ ವೆಂಕೋಬನ ಮಡದಿಗೆ
ಚೌರಿರಗುಟಿ ಗೊಂಡೆ ಹರಳು ಬಂಗಾರಬುಗುಡಿಬಾವುಲಿಗಳು ಹೊಲಿಯುತಲಿ
ಸಡಗರದಿ ಕುಡಿಯ ಕುಂಕುಮ ಹಚ್ಚಿದ ಒಡೆಯ ವೆಂಕೋಬನ ಮಡದಿಗೆ

Gajavadana Beduve /ಗಜವದನ ಬೇಡುವೆ

ಗಜವದನ ಬೇಡುವೆ ಗೌರಿ ತನಯ
ತ್ರಿಜಗ ವಂದಿತನೇ ಸುಜನರ ಪೊರೆವನೇ ಪ

ಪಾಶಾಂಕುಶಧರ ಪರಮ ಪವಿತ್ರ
ಮೂಷಿಕವಾಹನ ಮುನಿಜನಪ್ರೇಮಾ IIಅ ಪII

ಮೋದದಿ ನಿನ್ನಯ ಪಾದವ ತೋರೋ
ಸಾಧು ವಂದಿತನೆ ಆದರದಿಂದಲಿ II೧ II

ಸರಸಿಜನಾಭ ಶ್ರಿ ಪುರಂದರ ವಿಠಲನ
ನಿರುತ ನೆನೆಯುವಂತೆ ದಯ ಮಾಡೋII ೨II

Audio link:http://www.kannadaaudio.com/Songs/Devotional/SriGaneshaPushpanjali/GajavadanaBeduve.ram

Dasanna Madiko yenna /ದಾಸನ ಮಾಡಿಕೊ ಎನ್ನ ಸ್ವಾಮಿ

ದಾಸನ ಮಾಡಿಕೊ ಎನ್ನ ಸ್ವಾಮಿ
ಸಾಸಿರ ನಾಮದ ವೆಂಕಟರಮಣ

ದುರ್ಬುದ್ಧಿಗಳನೆಲ್ಲ ಬಿಡಿಸೊ ನಿನ್ನ
ಕರುಣ-ಕವಚವೆನ್ನ ಹರಣಕೆ ತೊಡಿಸೊ
ಚರಣಸೇವೆ ಎನಗೆ ಕೊಡಿಸೊ ಅಭಯ
ಕರ ಪುಷ್ಪವ ಎನ್ನ ಶಿರದಲ್ಲಿ ಮುಡಿಸೊ II೧II

ದೃಢಭಕ್ತಿ ನಿನ್ನಲ್ಲಿ ಬೇಡಿ ನಾ
ಅಡಿಗೆರಗುವೆನಯ್ಯ ಅನುದಿನ ಪಾಡಿ
ಕಡೆಗಣ್ಣಲೇಕೆನ್ನ ನೋಡಿ ಬಿಡುವೆ
ಕೊಡು ನಿನ್ನ ಧ್ಯಾನವ ಮನಶುಚಿ ಮಾಡಿ II೨ II

ಮೊರೆಹೊಕ್ಕವರ ಕಾಯುವ ಬಿರುದು ಎನ್ನ
ಮರೆಯದೆ ರಕ್ಷಣೆ ಮಾಡಯ್ಯ ಪೊರೆದು
ದುರಿತಗಳೆಲ್ಲವ ತರಿದು ಸಿರಿ
ಪುರಂದರ ವಿಠಲ ಎನ್ನನು ಪೊರೆದು II೩ II


Audio Link:http://www.kannadaaudio.com/Songs/Devotional/home/Daasana-Madiko-Enna-Belluru-Sisters.php