satyavantara sagaveralu /ಸತ್ಯವಂತರ ಸಂಗವಿರಲು

ಸತ್ಯವಂತರ ಸಂಗವಿರಲು ತೀರ್ಥವೇತಕೆ
ನಿತ್ಯ ಜ್ಞಾನಿಯಾದ ಮೇಲೆ ಚಿಂತೆ ಯಾತಕೆ IIಪII

ತಾನು ಉಣ್ಣದ ಪರರಿಗಿಕ್ಕದ ಧನವಿದ್ದೇತಕೆ
ಮಾನ ಹೀನನಾಗಿ ಬಾಳ್ವ ಮನುಜನೇತಕೆ
ಜ್ಞಾನವಿಲ್ಲದೇ ನೂರು ಕಾಲ ಬದುಕಲೇತಕೆ
ಮಾನಿನಿಯ ತೊರೆದವಗೆ ಭೋಗವೇತಕೆ II೧II

ಮಾತು ಕೇಳದೆ ಮಲತು ನಡೆವ ಮಕ್ಕಳೇತಕೆ
ಪ್ರೀತಿ ಇಲ್ಲದೆ ಎಡೆಯನಿಕ್ಕಿದ ಅನ್ನವೇತಕೆ
ನೀತಿಯರಿತು ನಡೆಯದಿರುವ ಬಂಟನೇತಕೆ
ಸೋತು ಹೆಣ್ಣಿಗೆ ಹೆದರಿ ನಡೆವ ಪುರುಶನೇತಕೆ II೨ II

ಸಂಜ್ಞೆಯರಿತು ನಡೆಯದಿರುವ ಸತಿ ಇದ್ದೇತಕೆ
ಮುನ್ನ ಕೊಟ್ಟು ಪಡೆಯದನ್ನು ಬಯಸಲೇತಕೆ
ಮನ್ನಣೆಯ ನಡೆಸದಿರುವ ದೊರೆಯು ಏತಕೆ
ಚೆನ್ನ ಆದಿ ಕೇಶವನಲ್ಲದ ದೈವವೇತಕೆ II3 II

Audio Link:http://www.musicindiaonline.com/p/x/HsK9CKz2SS.As1NMvHdW/

Bandano Raghavendra / ಬಂದಾನೋ ರಾಘವೇಂದ್ರ

ಬಂದಾನೋ ರಾಘವೇಂದ್ರ ಇoದಿಲ್ಲಿಗೆ
ಕಂದನ ಮೂರೆ ಕೇಳಿ ಜನನಿಯು ಬರುವಂತೆ

ಗಜವೇರಿ ಬಂದ ಜಗದಿತಾನಿಂದ
ಅಜಪಿತರಾಮನ ಪಾದಬ್ಜ ಸ್ಮರಿಸುತಲಿ

ಹರಿಯ ಕುಣಿಸುತ ಬಂದಾ ನರಹರಿ ಪ್ರಿಯ ಬಂದ
ಶರಣಾಗತರನು ಕರವ ಪಿಡಿವೆನೆಂದು

ಪ್ರಹ್ಲಾದ ವ್ಯಾಸ ಮುನಿದ್ರ ರಾಘವೇಂದ್ರ
ನಿಲ್ಲಿಸುತ ಮನವ ಮಧ್ವೇಶ ವಿಠಲನ

ಆರತಿ ಬೆಳಗಿರೆ ನಾರಿಯರೆಲ್ಲರು / aarati Belagire nariyarellaru

ಆರತಿ ಬೆಳಗಿರೆ ನಾರಿಯರು ಬೇಗ ಆದಿ ಕೊಲ್ಹಾಪುರದ ಮಹಾಲಕ್ಷ್ಮಿ ಗೆ
ಹಾಡುತ ಪಾಡುತ ಜಾಣೆ ಯರೆಲ್ಲರು ಆದಿ ನಾರಾಯಣ ಪ್ರಿಯಳಿಗೆ
ಪಿಲ್ಲೆ ಕಾಲುಂಗುರ ಲುಲ್ಲು ಪೈಜಣರುಳಿ ಗಿಲ್ಲು ಗಿಲ್ಲೆಂದು ಹೆಜ್ಜೆಯನಿಡುತ
ಉಲ್ಲಾಸದಿಂದಲಿ ಗೋಡ್ಯಾನವ ಪುಲ್ಲನಾಭನ ಪ್ರಿಯಳಿಗೆ

ಜರದ ಪೀತಾಂಬರ ನಿರಿಗೆಗಳಲೆಯುತ ಝಗಝಗಿಸುತ ತ ಹೊಳೆಯುತಲಿ
ತೊಟ್ಟ ಕಂಚುಕವು ಇಟ್ಟ ವಂಕಿ ತೋಡೆ ಬೆಟ್ಟ ವೆಂಕೋಬನ ಮಡದಿಗೆ
ಚೌರಿರಗುಟಿ ಗೊಂಡೆ ಹರಳು ಬಂಗಾರಬುಗುಡಿಬಾವುಲಿಗಳು ಹೊಲಿಯುತಲಿ
ಸಡಗರದಿ ಕುಡಿಯ ಕುಂಕುಮ ಹಚ್ಚಿದ ಒಡೆಯ ವೆಂಕೋಬನ ಮಡದಿಗೆ

Gajavadana Beduve /ಗಜವದನ ಬೇಡುವೆ

ಗಜವದನ ಬೇಡುವೆ ಗೌರಿ ತನಯ
ತ್ರಿಜಗ ವಂದಿತನೇ ಸುಜನರ ಪೊರೆವನೇ ಪ

ಪಾಶಾಂಕುಶಧರ ಪರಮ ಪವಿತ್ರ
ಮೂಷಿಕವಾಹನ ಮುನಿಜನಪ್ರೇಮಾ IIಅ ಪII

ಮೋದದಿ ನಿನ್ನಯ ಪಾದವ ತೋರೋ
ಸಾಧು ವಂದಿತನೆ ಆದರದಿಂದಲಿ II೧ II

ಸರಸಿಜನಾಭ ಶ್ರಿ ಪುರಂದರ ವಿಠಲನ
ನಿರುತ ನೆನೆಯುವಂತೆ ದಯ ಮಾಡೋII ೨II

Audio link:http://www.kannadaaudio.com/Songs/Devotional/SriGaneshaPushpanjali/GajavadanaBeduve.ram

Dasanna Madiko yenna /ದಾಸನ ಮಾಡಿಕೊ ಎನ್ನ ಸ್ವಾಮಿ

ದಾಸನ ಮಾಡಿಕೊ ಎನ್ನ ಸ್ವಾಮಿ
ಸಾಸಿರ ನಾಮದ ವೆಂಕಟರಮಣ

ದುರ್ಬುದ್ಧಿಗಳನೆಲ್ಲ ಬಿಡಿಸೊ ನಿನ್ನ
ಕರುಣ-ಕವಚವೆನ್ನ ಹರಣಕೆ ತೊಡಿಸೊ
ಚರಣಸೇವೆ ಎನಗೆ ಕೊಡಿಸೊ ಅಭಯ
ಕರ ಪುಷ್ಪವ ಎನ್ನ ಶಿರದಲ್ಲಿ ಮುಡಿಸೊ II೧II

ದೃಢಭಕ್ತಿ ನಿನ್ನಲ್ಲಿ ಬೇಡಿ ನಾ
ಅಡಿಗೆರಗುವೆನಯ್ಯ ಅನುದಿನ ಪಾಡಿ
ಕಡೆಗಣ್ಣಲೇಕೆನ್ನ ನೋಡಿ ಬಿಡುವೆ
ಕೊಡು ನಿನ್ನ ಧ್ಯಾನವ ಮನಶುಚಿ ಮಾಡಿ II೨ II

ಮೊರೆಹೊಕ್ಕವರ ಕಾಯುವ ಬಿರುದು ಎನ್ನ
ಮರೆಯದೆ ರಕ್ಷಣೆ ಮಾಡಯ್ಯ ಪೊರೆದು
ದುರಿತಗಳೆಲ್ಲವ ತರಿದು ಸಿರಿ
ಪುರಂದರ ವಿಠಲ ಎನ್ನನು ಪೊರೆದು II೩ II


Audio Link:http://www.kannadaaudio.com/Songs/Devotional/home/Daasana-Madiko-Enna-Belluru-Sisters.php

Sharanu siddhi Vinayaka /ಶರಣು ಸಿದ್ಧಿ ವಿನಾಯಕ

ಶರಣು ಸಿದ್ಧಿ ವಿನಾಯಕ ಶರಣು ವಿದ್ಯಾ ಪ್ರದಾಯಕ
ಶರಣು ಪಾರ್ವತಿ ತನಯ ಮೂರುತಿ ಶರಣು ಮೂಷಕ ವಾಹನ

ನಿಟಿಲ ನೇತ್ರನ ದೇವಿ ಸುತನೆ ನಾಗಭೂಷಣ ಪ್ರಿಯನೆ
ತಟಿಲತಾಂಕಿತ ಕೋಮಲಾಂಗನೆ ಕರ್ಣಕುಂಡಲ ಧಾರನೆII೧II

ಬಟ್ಟ ಮುತ್ತಿನ ಪದಕ ಹಾರನೆ ಬಾಹುಹಸ್ತ ಚತುಷ್ಟನೆ
ಇಟ್ಟ ತೊಡುಗೆಯ ಹೇಮ ಕಂಕಣ ಪಾಶ ಅಂಕುಶ ಧರನೆII೨ II

ಕುಕ್ಷಿ ಮಹಾ ಲಂಬೋದರನೆ ಇಕ್ಷುಚಾಪನ
ಗೆಲಿದನೆ ಪಕ್ಷಿವಾಹನ ಸಿರಿ ಪುರಂದರ ವಿಠಲನ ನಿಜ ದಾಸನೆII೩II


http://www.kannadaaudio.com/Songs/Devotional/SriGaneshaPushpanjali/SharanuSiddivinayaka.ram
In English:

Sharanu Siddhi Vinayaka Sharanu Vidya Pradayaka
Sharanu Parvati tanaya muruti sharanu musika vahana

Nitila Netrana varada putrane nagabhusasa priyane
Tatilatankita komalangane karna kundala dharane 1

Batta muttina hara padaka bahu hasta chatustane
Itta todugeya hemakankana pasha ankusha dharane 2

Kukshi Maha Lambodarane Ikshu chapana gelidane
pakshi vahana siripurandara vittalana nija dasane 3

Namma sharade/ನಮ್ಮಮ್ಮ ಶಾರದೆ ಉಮಾ ಮಹೇಶ್ವರಿ

ನಮ್ಮಮ್ಮ ಶಾರದೆ ಉಮಾ ಮಹೇಶ್ವರಿ
ನಿಮ್ಮೊಳಗಿಹನಾರಮ್ಮಾ IIಪII

ಕಮ್ಮಗೋಲನ ವೈರಿ ಸುತನಾದ ಸೊಂಡಿಲ
ಹೆಮ್ಮೆಯ ಗಣನಾಥನೇ IIಅಪ II

ಮೋರೆ ಕಪ್ಪಿನ ಭಾವ ಮೊರದಗಲದ ಕಿವಿ
ಕೋರೆದಾಡೆಯನಾರಮ್ಮಾ
ಮೂರುಕಣ್ಣನ ಸುತ ಮುರಿದಿಟ್ಟ ಚಂದ್ರನ
ಧೀರ ತಾ ಗಣನಾಥನೇ II೧II

ಉಟ್ಟ ಪಚ್ಚೆಯ ಬಿಗಿದುಟ್ಟ ಚೆಲ್ಲಣದ
ದಿಟ್ಟ ತಾ ನಿವನಾರಮ್ಮ
ಪಟ್ಟದ ರಾಣಿ ಪಾರ್ವತಿಯ ಕುಮಾರನು
ಹೊಟ್ಟೆಯ ಗಣನಾಥನೇ II೨ II

ರಾಶಿ ವಿದ್ಯೆಯ ಬಲ್ಲ ರಮಣಿ ಹಂಬಲನೊಲ್ಲ
ಭಾಷಿಗನಿವನಾರಮ್ಮ
ಲೇಸಾಗಿ ಜನರ ಸಲಹುವ
ಕಾಗಿನೆಲೆ ಆದಿಕೇಶವ ದಾಸ ಕಣೇ II೩II
Audio link:http://www.kannadaaudio.com/Songs/Devotional/SriVidyabhushana/DaasaraKritigalu/NammammaSharade.ram

karedare Barabaarade/ಕರೆದರೆ ಬರಬಾರದೆ

ಕರೆ ದರೆ ಬರ ಬಾರದೆ
ಗುರುರಾಯ ಶ್ರೀ ರಾಘವೇಂದ್ರ IIಪII
karedare Bara Baarade
Gururaayaa(guruvara) sriRaghavendra

ವರ ಮಂತ್ರಾಲಯ ಪುರ ಮಂದಿರ ತವ
ಚರಣ ಸೇವಕರು ಕರವ ಮುಗಿದು II1 II
Varamantralaya puramandira tava
charana sevakaru karava mugidu

ಹರಿದಾಸ ರ ಸುಸ್ವರ ಸಂಮ್ಮೇಳದಿ
ಪರವಶದಲಿ ಬಾಯಿ ತೆಗೆದು ಕೂಗಿ II2II
haridaasa suswara sammelanadi
paravashadali baayi tegedu koogi

ಪೂಶರ ಪಿತ ಕಮಲೇಶ ವಿಠಲನ
ದಾಸ ಗ್ರೇಸರ ಈ ಸಮಯದಿ II3II
pooshara pita kamalesha vithalana
daasa gresara ee samayadali